പ്രാണവായു വില്പനക്ക് 

ആദ്യം നിങ്ങൾ ഞങ്ങളുടെ
മണ്ണ് വിറ്റു.
പിന്നീട് നിങ്ങൾ ഞങ്ങളുടെ മണ്ണിന്റെ
വിയർപ്പായ അന്നത്തെ വിറ്റു.
പിന്നീട് നിങ്ങൾ ഞങ്ങളുടെ നദികളെ
കീറിമുറിച്ചു വിറ്റു.
പിന്നീട് നിങ്ങൾ ഞങ്ങളുടെ ഉയിരായ
ജലം കുപ്പിയിലാക്കി വിറ്റു.

എല്ലാം വിറ്റു തീർന്നപ്പോൾ നിങ്ങൾ
ഞങ്ങളെ പട്ടിണിക്കിട്ടു.
പട്ടിണിമൂലം ഞങ്ങൾ മരിക്കുന്നില്ല
എന്ന തിരിച്ചറിവിൽ.

പിന്നീട് നിങ്ങൾ ഞങ്ങളുടെ 
പ്രാണവായു വിറ്റു.

ഇനി ഒന്നും അവശേഷിക്കുന്നില്ല
എല്ലാം അവസാനിക്കുകയാണ്
അല്ല
എല്ലാം  അവസാനിച്ചു!!!